Quba Olimpiya İdman Kompleksində təlim-məşq toplanışında olan paytaxtın “Azərreyl” voleybol klubu növbəti transferini reallaşdırıb. Apasport.az saytının məlumatına görə, Azərbaycanı “Çelenc Cup”da təmsil edəcək komanda ABŞ yığmasının kapitanı Cennifer Tamasla 1 illik müqavilə bağlayıb.

1982-ci ildə Kaliforniya ştatında anadan olan voleybolçu 2001-ci ildən milli komandaya çağırılır. 191 sm boyu olan “Azərreyl”in yeni transferi Pekin-2008-in gümüş, dünya kubokunun və Panamerika Oyunlarının bürünc medalına sahib olub. Onun ən böyük uğuru bu il keçirilən Dünya Qran-prisinin finalına təsadüf edib və Tamas yığma ilə birlikdə fəxri kürsünün ən yüksək pilləsinə qalxıb.

Qeyd edək ki, amerikalı voleybolçu son mövsümü Puerto-Riko çempionatında keçirib. O, “Llanares of Toa Baja” klubunun şərəfini qoruyub və komandası ölkə çempionatını 2-ci yerdə başa vurub.

• Azərbaycan klubundan 6 transfer
• "Azərreyl" Avropa Kubokunda iştirak edəcək
• Azərbaycanlı nümayəndə ÇL oyununa təyinat alıb
• “Azərreyl”də yeni voleybolçu
• "Azərreyl" rusiyalı ilə müqavilə yeniləyib