Basketbol üzrə Azərbaycan çempionatında mübarizə aparacaq komandaların sayı artırıla bilər. Azərbaycan Basketbol Federasiyasından apasport.az saytına verilən məlumata görə, son illərlə müqayisədə yeni mövsümdə klubların sayının 6 deyil, 8 olması planlaşdırılır.

Artıq bu komandalardan beşinin - “Qala”, “AzTop”, “Araz”, “Makkabi” və “Xəzər Universiteti”nin yarışda oynayacaqları dəqiqləşib. Bundan əlavə, növbəti mövsüm “Sərhədçi” və “Şəki” klubları da Azərbaycan çempionatında oynamaq arzusundadır. Şəki basketbol komandası bunu üçün rəsmi müraciət də edib. Sonuncu - 8-ci klubun adı yaxın günlərdə müəyyənləşəcək.

Qeyd edək ki, basketbol üzrə Azərbaycan çempionatının noyabrın əvvəllərində start götürəcəyi planlaşdırılır.

• Azərbaycan klubundan 6 transfer
• "Azərreyl" Avropa Kubokunda iştirak edəcək
• Azərbaycanlı nümayəndə ÇL oyununa təyinat alıb
• “Azərreyl”də yeni voleybolçu
• "Azərreyl" rusiyalı ilə müqavilə yeniləyib