Bakının “Rabitə” voleybol klubunun Çempionlar Liqasının pley-off mərhələsində potensial rəqiblərinin adları dəqiqləşib. Apasport.az saytının məlumatına görə, növbəti mərhələyə Azərbaycan çempionu ilə yanaşı, 7 ölkənin 11 komandası vəsiqə qazanıb. Bunlar Türkiyənin “Fənərbaxça”, “Əczaçıbaşı”, “VakıfGünəş TTelekom”, İtaliyanın “Skavolini”, “Villa Korteze”, Polşanın “Bank BPS Fakro”, “Aluprof”, Fransanın “Kann”, Rusiyanın “Dinamo” (Moskva), İsveçrənin “Volero” və Çexiyanın “Modranska” klublarıdır.

Pley-off mərhələsinin püşkatma mərasimi fevralın 14-də keçiriləcək. Həmin gün həmçinin “dördlər finalı”na ev sahibliyi edəcək ölkənin də adına aydınlıq gələcək. Bundan sonra pley-offa vəsiqə qazanan həmin klubun isə Rusiyanın “Zariçye Odintsova”a ilə əvəzlənəcəyi gözlənilir.

Xatırladaq ki, “dördlər finalı”na ev sahibliyi etmək üçün “Rabitə” də Avropa Voleybol Konfederasiyasına rəsmi müraciət edib.

• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib