“Biz müdafiədə rəqibin hücumlarının qarşısını ala bildik. Yetirmələrim onlara qarşı əla blok qurdu və müdafiədə yaxşı oynadılar”. Apasport.az saytının məlumatına görə, bu sözləri Çexiyanın “Modranska” klubunun baş məşqçisi Miroslav Çad deyib.

O, Çempionlar Liqasının I pley-off mərhələsində “Rabitə”yə 3:2 hesabı ilə qalib gəldikləri oyuna münasibət bildirib: “Azərbaycanlıların heyətində Sanya Staroviç əla oynadı. Onun əvəzində isə Avropanın ən yaxşı hücumçularından sayılan Natalya Məmmədova öz imkanlarından aşağı çıxış etdi. Biz “Rabitə”nin amerikalı legioneri Kimberli Qlassı yaxşı tanıdığımızdan onun hücumlarının qarşısını məharətlə ala bildik. Qələbə qazanmağımızda heyətdə etdiyim dəyişiklər də özünü doğrultdu”.

“Modranska”nın rəsmi saytının yazdığına görə, “Rabitə”nin baş məşqçisi Dejan Brdjoviç mətbuat konfransına dəvət edilsə də, o gəlməkdən boyun qaçırıb.

• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib