“İqtisadçı” voleybol klubu növbəti “bomba”sını partlatmağa hazırlaşır. Apasport.az saytının məlumatına görə, Azərbaycan Super Liqasının bürünc mükafatçısı yeni baş məşqçi Jan De Brandtın gəlişindən sonra ikinci transferini həyata keçirməyə hazırlaşır.

“İqtisadçı” Kuba yığmasının üzvü Yaima Ortis Çarrodan sonra Türkiyə millisinin üzvü Duyğu Bala elçi düşüb. Mövsümün əvvəlində İtaliyanın A seriyasında mübarizə aparan “Riso Skotti”yə transfer edilən voleybolçu müqaviləsini qarşılıqlı şəkildə pozaraq, təmsilçimizlə anlaşmağa yaxındır. Balla mövsümün sonunacan razılıq əldə edilməsi gözlənilir.

Müxtəlif yaş qruplarında 100 dəfədən çox “ay-ulduzlu” formanı geyinən Bal 190 sm boya malikdir. 24 yaşlı voleybolçu Türkiyədə “Emlak Toki” və “Vakıfbank Günəş Sığorta”da forma geyinib.

Xatırladaq ki, Duyğu mövsümün əvvəlində də Bakı klubundan təklif aldığını etiraf etmişdi. O, hətta razılaşmanın son anda baş tutmadığını bildirmişdi.

• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq