Qadın voleybolçular arasında Türkiyə Sultanlar Liqasında növbəti oyunların təqvimi açıqlanıb. Apasport.az saytının məlumatına görə, Azərbaycan millisinin blokçusu Kseniya Poznyak və hücumçusu Yana Kulan matçlarını aprelin 19-da keçirəcəklər.

Belə ki, həmin gün 5-8-ci yerdə mübarizə aparacaq komandaların qarşılaşmasına start veriləcək. Poznyakın şərəfini qoruduğu “Beşiktaş” “Bursa BB”nin qonağı olacağı halda, Kulanın çıxış etdiyi “Çanakkale Bld” “Halkbank”ı qəbul edəcək.

Bu komandalar arasında növbəti matçlar 3 gün sonra baş tutacaq. Əgər hansısa cütdə klublar hərəyə 1 qələbə qazanarlarsa, aprelin 25-də onlar bir daha güclərini yoxlayacaqlar.

Ardınca qaliblər 5-ci, məğlublar 7-ci yer üçün oynayacaqlar.

• Kəmalə Əsgərova U-18 Avropa çempionatının oyunlarına təyinat alıb
• Azərbaycanı avrokuboklarda 4 komanda təmsil edəcək
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• “Möminə Xatun”dan yeni transfer
• Bakıda Avropa çempionatının kubokunun təqdimat mərasimi keçiriləcək