"Atletiko Madrid"in hücumçusu Antuan Qrizmann Lionel Messinin rekordunu təkrarlamağa yaxındır.

Apasport.az xəbər verir ki, fransız futbolçu hazırda La Liqada 519 oyun keçirib. 

Bundan öncə "Barselona"nın şərəfini qoruyan Lionel Messi İspaniya çempionatında ən çox çıxış edən əcnəbi futbolçu olub - 520 matç. 

Beləliklə, Qrizmann bu gün “Barsa"ya qarşı matçda meydana çıxarsa, argentinalının rekordunu təkrarlayacaq.

"Atletiko" - "Barsa" görüşü Bakı vaxtilə saat 00:00-da başlayacaq.

Qeyd edək ki, Qrizmann matçlarının əksəriyyətini - 519-dan 304-də "Atletiko" forması geyinib. Təcrübəli futbolçu “Real Sosyedad”da 141, “Barselona”da isə 74 oyun keçirib. 

 

• Tennis millimiz Moldova yığması ilə qarşılaşacaq
• "Fənərbaxça"nın Avropa Liqasındakı rəqibi baş məşqçisi ilə yollarını ayırıb
• Saka "Arsenal"ın ən çox maaş alan oyunçusu olacaq
• Suarez "İnter Mayami" - "Palmeyras" matçının ən yaxşı oyunçusu seçilib
• “Benfika” və “Bavariya” səfərdə, “Feyenoord” isə evdə qalib gəldi - YENİLƏNİB