Bakı. Vüqar Xeyrullayev - APA-Sport. Azərbaycan milli komandasının oyunçusu Saşa Yunisoğlu Polşa çempionatının güclülər dəstəsində 8 oyun keçirib. “APA-Sport” agentliyinin məlumatına görə, 23 yaşlı müdafiəçi “Qrotslin”in əvəzedicilərdən ibarət komandasını da nəzərə almaqla, 13 çempionat görüşünə çıxıb. Polşada ilk matçını sentyabrın 3-də əvəzedicilərin birinciliyində keçirən S.Yunisoğlu güclülər dəstəsində oktyabrın 7-də debüt edib. Oranje Ekstraklasada keçirdiyi 8 qarşılaşmanın hamısında start heyətində meydana çıxan müdafiəçi yalnız iki matçda əvəzlənib. Ümumilikdə 656 dəqiqə meydanda olan futbolçu iki dəfə sarı vərəqə ilə cəzalanıb. S.Yunisoğlunun iştirak etdiyi 8 matçda çempionatın bürünc mükafatçısı 5 qələbə qazanıb, 1 heç-heçə edib və 2 dəfə məğlub olub.

tur	Rəqib	hesab	meydan	Dəqiqə	Qol(ötürmə)	Vərəqə
10	“Zaqlebiye” (Lubin)	2:1	s	90	-	1
11	“Lex”	1:0	e	90	-	-
12	“Vidzev”	0:1	s	71	-	-
21	“Rux”	2:1	s	90	-	1
25	“Zaqlebiye” (Lubin)	2:0	e	90	-	-
26	“Lex”	1:2	s	45	-	-
29	“Visla”	0:0	e	90	-	-
30	“Odra”	3:2	S	90	-	-

Qeyd edək ki, Polşa çempionatının güclülər dəstəsində çıxış edən ilk azərbaycanlı futbolçu Ruslan Məcidov 2006/07 mövsümündə “Vidzev”in heyətində keçirdiyi 2 oyunda 3 qol buraxmışdı. Bu il qapıçının sabiq komandası aşağı dəstəyə düşüb.

• "Vest Hem"in yeni baş məşqçisi rəsmiləşib
• “Liverpul” məğlub olub
• Ali Koç: "Bütün matçlarda belə olmalıdır"
• "Fənərbaxça"dan "Qalatasaray"a reaksiya: "Soruşsalar, "ən çox zərər çəkən bizik" deyərsiniz"
• "Barselona" finalda! - VİDEO