Bakı. Mehman Süleymanov - APA-Sport. “Qaxa ezam etdiyimiz nümayəndələr “Simurq” – “İnter” oyunu ilə bağlı bizə hesabat verdilər”. Bunu “APA-Sport”a açıqlamasında Azərbaycan Peşəkar Futbol Liqasının prezidenti Ramin Musayev deyib.

Onun sözlərinə görə, böyük rezonans doğuran bu matçı danışılmış oyunlar sırasına daxil etmir: “Həmin şəxslərin hesabatına əsasən deyə bilərəm ki, oyun təmiz keçib. Biz matçın videoyazısını da izlədik. Gərgin mübarizə şəraitində keçən matçda 65-ci dəqiqəyə kimi hesab açılmayıb, “Simurq”un da qol vurmaq imkanı olub. “İnter”in ikinci qolu isə uzatma dəqiqələrinə təsadüf edib”.

Musayevin fikrincə, şübhəli məqam aşkara çıxarılacağı halda, bunun üstünə düşüb, lazım tədbirlər görülməsi nəzərdə tutulubmuş. O, matçdan sonra baş verənlərin də oyunun danışılmış olmadığına işarə etdiyini söyləyir: “Hətta görüşdən sonra futbolçular arasında narazılıq olub, məşqçilər bir-birlərinin ünvanına xoşagəlməz sözlər işlədiblər. Bu da onu göstərir ki, heç kim uduzmaq istəmirmiş. Bütün bunların qəsdən törədildiyinə, komandaların üzvləri artistlik etdiyinə inanmıram”.

• Adeyemi İtaliya yolunda
• Ukrayna millisinin üzvü “Trabzonspor”da
• Şmeyxel Şotlandiya klubu ilə müqaviləsini uzadıb
• “Siti”nin futbolçusu İtaliya nəhəngində
• “Dortmund” Nurinin əvəzləyicisini tapdı