Donetsk-APA. “Şaxtyor” klubunun baş məşqçisi Mirça Luçesku gələn ay klubundan ayrılacağını təsdiqləyib. APA-nın məlumatına görə, Türkiyənin ATV kanalına açıqlama verən Luçesku “Qalatasaray” klubundan təklif aldığını etiraf edib: “Hazırda çalışdığım “Şaxtyor” klubu ilə müqaviləm gələn ay başa çatır və klubdan ayrılmağa qəti qərar vermişəm. Artıq burada görəcəyim bir iş qalmadı. “Qalatasaray”ın mənə təklif göndərməsi təzə xəbər deyil. Hələ Türkiyə çempionatı başlamazdan əvvəl “Qalatasaray” klubunun prezidenti Adnan Polat mənə zəng vurmuşdu. O zaman klub hələ Mixail Skibbe ilə razılığa gəlməmişdi. Adnan Polat məndən kluba baş məşqçi postuna gəlib-gələ bilməyəcəyimi soruşdu. Amma o zaman “Şaxtyor”la müqaviləm davam edirdi, ona görə də Adnan Polatın təklifinə müsbət cavab verməmişdim”.

• Suzuki uğrunda yarış: PSJ və "Yuventus"
• "Arsenal"dan Vinisiusa rekord təklif – Bütün imkanlar səfərbərdir
• "Türkiyənin ən böyük klubu bizik" – İlkay Gündoğandan iddialı açıqlamalar
• "Qalatasaray" Reyndersi izləyir – "Mançester Siti" bu halda buraxacaq
• Kastro "Roma"ya, Dovbik "Bolonya"ya: 35 milyonluq transfer