Bakı – APA-Sport. “Klublarımız əsasən legionerləri oynatmağa üstünlük verirlər. Yerli oyunçuları daha çox oynatmaq lazımdır ki, futbolumuza faydası olsun”. “APA-Sport”un məlumatına görə, bunu АFFA-nın keçmiş prezidenti Fuad Musayev deyib. Milli komandanı düşünməyin vacibliyini bildirən Musayevin fikrincə, hətta bəzi klublar yığmanın üzvlərini belə oynatmırlar və bunun futbolumuza mənfi təsirləri olur. AFFA-nın keçmiş rəhbəri milli komandanın baş məşqçisi Berti Foqtsu dəstəklədiyini dilə gətirib: “Foqts klubların oyunlarda daha çox legionerlərdən istifadə etməsindən, yığma üzvlərinin fiziki durumunun aşağı olmasından şikayətlənib. Alman məşqçi iradlarında tamamilə haqlıdır. Onu dəstəkləyirəm”. F.Musayev indiki futbolçuların əksəriyyətinin özlərini intizamsız aparmasından gileylənib: “Bu, onlara başucalığı gətirmir. Əksinə, gözdən salır. Futbolçular intizamlı olmağa xüsüsi diqqət yetirməlidirlər”.

Mənbə: qol.az

• Suzuki uğrunda yarış: PSJ və "Yuventus"
• "Arsenal"dan Vinisiusa rekord təklif – Bütün imkanlar səfərbərdir
• "Türkiyənin ən böyük klubu bizik" – İlkay Gündoğandan iddialı açıqlamalar
• "Qalatasaray" Reyndersi izləyir – "Mançester Siti" bu halda buraxacaq
• Kastro "Roma"ya, Dovbik "Bolonya"ya: 35 milyonluq transfer