“Neftçi” matç ərzində cəmi iki dəfə qapımız qarşısında təhlükə yaratdı. Bu bizdən onlara bir hədiyyə idi”. Apasport.az saytının məlumatına görə, bu sözləri Almaniyanın “Karl Zeys” klubunun baş məşqçisi Rene van Ekk deyib.

Türkiyənin Antalya şəhərində keçirilən yoxlama matçında “Neftçi”yə 1:2 hesabı ilə uduzan üçqat ADR çempionunun çalışdırıcısı komandasından razı qalıb: “Uduzmağımıza baxmayaraq, komandamdan razı qaldım. Futbolçular sonadək mübarizə apardı. Onlar mənim görmək istədiklərimi tam kamil şəklində yerinə yetirdilər. Həm də unutmayaq ki, “Neftçi” ilə görüş yoxlama oyunu idi və nəticə arxa planda durur”.

Qeyd edək ki, “Karl Zeys”lə matçda “Neftçi”nin qollarını baxışda olan legionerlər Aleksandr Bayenski və Mindauqas Kalonas vurub.

• Leon Beyli "Hall Siti"yə doğru: Prezident açıqladı
• Acun Ilıcalı: "Türkiyədəki neqativ mühitdən bezdim"
• Qonzalo Qarsiya "Fulhem"də – "Real" gələcək satışdan da qazanacaq
• Əl-Xelaifi FIFA prezidentliyinə namizəd olacaq? – İnfantinoya rəqib axtarılır
• "Bolonya" və "Roma"dan hücumçu barteri – Dovbik getdi, Kastro gəldi