Türkiyə milli komandasını 2012-ci il Avropa çempionatının seçmə qrup mərhələsindəki oyunlara dünya şöhrətli baş məşqçi çıxaracaq. Lent.az-ın məlumatına görə, bu haqda Türkiyə Futbol Federasiyasının (TFF) vitse-prezidenti Lütfi Arıboğan açıqlama verib.

Arıboğan hazırda bu istiqamətdə gərgin işlərin aparıldığını bildirib. O, ictimaiyyətdən bir qədər də səbirli olmağı xahiş edib: “Türkiyə millisi bir dünya markası ilə birlikdə olacaq. TFF belə önəmli məsələlərdə çox diqqətli davranır. Türkiyəyə yaraşan bir sonucla bu işi bitirəcəyimizə inanırıq”.

Qeyd edək ki, seçmə mərhələdə A qrupunda yer alan Türkiyə yığmasının rəqibləri Almaniya, Avstriya, Belçika, Qazaxıstan və Azərbaycandır. Oyunlar bu il sentyabrın 3-də start götürəcək.

• “Yuventus”dan yeni transfer - RƏSMİ
• “Mançester Siti” Enzo Fernandezdən əl çəkmir – Danışıqlar yenidən başlayır
• Kanselo “Barselona”ya qayıdır – Portuqaliyalı İspaniyada
• Qakpo “Liverpul”u tərk edir – “Tottenhem”lə razılaşdı
• Rodrinin əvəzləyicisi tapıldı – “Mançester Siti” 18 yaşlı ulduzu transfer edir