“Əsas mərhələ keçmək idi ki, bunun da öhdəsindən gəldik”. Apasport.az saytının məlumatına görə, bu sözləri Ağdamın “Qarabağ” klubunun baş məşqçisi Qurban Qurbanov deyib. Avropa Liqasının III təsnifat mərhələsinin cavab oyununda Polşa təmsilçisi “Visla”nı məğlub etdikdən sonra 38 yaşlı mütəxəssis nəticədən razı qalıb.

Lakin 3 qol vurduqdan sonra yetirmələrinin 2 top buraxması Qurbanovu narahat edir: “Maraqlı və sürətli oyun alındı. Yaxşı olardı ki, qapımızdan 2 top buraxmayaq. Vurduğumuz qollar baxımlı alındı. Bizi dəstəkləyən azarkeşlərə təşəkkür edirik”.

Qeyd edək ki, “Visla”nı hər iki oyunda (1:0, 3:2) məğlub edən “Qarabağ”ın IV təsnifat mərhələsindəki rəqibi sabah keçiriləcək püşkatmada müəyyənləşəcək.

• Fatih Tekkenin istefası qəbul edilmədi – “Trabzonspor”da qaldı
• Fatih Tekke İSTEFA VERDİ
• “Roma” Ostervolde transferindən imtina etdi – Futbolçu “Fənərbaxça”ya qayıdır
• UEFA İnfantinonun FİFA prezidentliyinə namizədliyini dəstəkləməyəcək
• UEFA İnfantinodan əl çəkmir – FIFA prezidentini devirmək üçün yeni plan