“İnter”in makedoniyalı futbolçusu Slavço Geogiyevski bu il son oyununda meydana çıxa bilməyəcək. Apasport.az saytının məlumatına görə, yarımmüdafiəçi keçmiş komandası “Neftçi” ilə dekabrın 25-də təxirə salınmış matçı buraxmalı olacaq.

Buna səbəb Slavçonun 4-cü sarı vərəqəni alaraq, cəzalı duruma düşməyidir. O, bunu “Bakı”ya1:0 hesabı ilə qalib gəldikləri oyunun 83-cü dəqiqəsində alıb. Yeri gəlmişkən, həmin matçda penalti zərbəsindən qələbə topunun müəllifi olan gürcü hücumçu Baçana Sxadadzenin də 3 vərəqəsi olsa da, o, cəzalanmaq təhlükəsindən yan qaça bilib.

Ötən yay Georgiyevski kimi çempion olduğu “Neftçi”dən “İnter”ə keçən müdafiəçi Ruslan Əmircanov isə qarşıdakı oyunda forma geyə biləcək.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"