Sabah Azərbaycan milli komandası ilə yoxlama oyunu keçirəcək Lixtenşteyn yığması ciddi itkilərlə üzləşib. Apasport.az saytının məlumatına görə, cırtdan ölkə təmsilçisi 4 aparıcı futbolçusunun xidmətindən məhrum olub.

Bunlar Mario Frik, Martin Ştoklaza, İv Oehri və Sandro Vizerdir. Millidə 106 oyuna 16 qol vuran Frik hər 2 göstəricidə yığmasının rekordçusudur. Ştoklaza isə yığmada 104 matça çıxmaqla 2-ci göstəriciyə malikdir. Bu futbolçular yığma ilə BƏƏ-nin Dubay şəhərinə yola düşməyiblər.

Onların əvəzinə yığmaya 3 futbolçu çağırılıb. Müəyyən milli təcrübəsinə malik Lukas Eberle “Baltsers”in şərəfini qoruyur. “Şaan”da çıxış edən Seyhan Yıldız və Burak Eriş isə əsas yığmanın debütantlarıdır. Türk əsilli futbolçular əvvəllər U-21-də çıxış edib.

Qeyd edək ki, sabah Dubayda baş tutacaq Azərbaycan – Lixtenşteyn matçı saat 18:00-da başlayacaq.

• Türkiyə futbolunda qalmaqal böyüyür – TFF-dən MHK açıqlaması
• "Sabah" "Qarabağ"ı "Dalğa Arena"da qəbul edəcək
• Braziliyadan Avstraliyaya 4 qol – Ançelottinin komandasından geridönüş
• Avropa nəhəngləri “Porto”nun müdafiəçisi uğrunda mübarizəyə qoşuldu – 65 milyon avro
• Türkiyə futbolunda şok dalğası – MHK sədri Ferhat Gündoğdu saxlanıldı