PSJ-nin hücumçusu Zlatan İbrahimoviç Paris klubundan ayrıldıqdan sonra hansı komandaya gedəcəyi haqda açıqlama verib. Apasport.az saytının məlumatına görə, İsveç milli komandasının üzvü Almaniya Bundesliqasında forma geymək istədiyini bildirib.

31 yaşlı oyunçu İtaliya mətbuatına verdiyi müsahibəsində, bir gün “Bavariya”da oynamaq ehtimalının olduğunu ifadə edib: “Bundesliqa hər zaman diqqətimi çəkən bir liqa olmuşdur. Bəlkə də, bir gün ora gedəcəyəm. Karyeramda hələ komanda dəyişdirmə imkanımın olduğunu düşünürəm. Amma Bundesliqaya getsəm, bu dəqiq “Bavariya” olardı. Çünki Münhen klubu dünyanın ən yaxşı 5 klublarından biridir”.

Qeyd edək ki, Zlatan İbrahimoviç daha öncə Hollandiya, İtaliya və İspaniya çempionatlarının nəhəng klublarında çıxış edib.

• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”
• Türkiyə millisində iki yeni çağırış – U-21-dən əsas yığmaya
• Tuxel Bellingemin İngiltərə millisində kapitan olmasına “Yaşıl işıq” yandırdı
• Kasper Şmeyxel zarafat etdi: “İndi tam ştatlı Uber sürücüsüyəm”
• “Liverpul” Şadeni yanvarda transfer etmək istəyir