PSJ-nin baş məşqçisi Karlo Ançelotti sabah Çempionlar Liqasının 1/8 final mərhələsinin cavab oyun günündə qarşılaşacaqları “Valensiya” ilə matç öncəsi mətbuat konfransı keçirib. Apasport.az saytının məlumatına görə, italiyalı çalışdırıcı İspaniyada 1:2 hesablı qazanılan qələbədən sonra komandasının şansının daha çox olduğunu bildirib.

O, “yarasalar”dan daha çox əks-hücum gözlədiyini ifadə edib: “Biz bütün cəbhələrdə çox yaxşı çıxış edirik və buna görə qələbə qazanmağa əminik. Düşünürəm ki, “Valensiya” öz standart futbolunu göstərəcək. Rəqibdən daha çox əks-hücum gözləyirəm. Biz həmçinin öz onumuzu oynamağa hazırlaşırıq. Ən yaxşı keyfiyyətlərimizi göstərəcəyik. Bizim 1/4 finala keçməyə yaxşı şansımız var”.

Ançelotti bu qarşılaşmada Devid Bekhemin oynayıb-oynamayacağına da toxunub: “Bekhem artıq komandanın heyətində iki matçda meydana çıxıb. O, həm də yaxşı oynadı. Devid bizim üçün əhəmiyyətli bir futbolçudur. PSJ-də istənilən oyunçu kimi. Bəlkə o, sabah cəzalı olan Verrattinin yerinə forma geyinəcək. Bu olar və ya olmaya da bilər”.

Qeyd edək ki, PSJ - “Valensiya” matçı sabah Bakı vaxtı ilə saat 23:45-də başlayaacq.

• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI