“Simurq”un direktoru Vaqif Əliyev hazırda “Arsenal”ın formasını geyinən Andrey Arşavinin Azərbaycan klublarından birinə keçmək ehtimalı ilə bağlı Rusiya mətbuatına müsahibə verib. Apasport.az saytı həmin müsahibəni təqdim edir.

- Mən bu xəbəri bir az olar eşitdim. Hesab edirəm ki, Arşavinin Azərbaycana keçməsi tamamilə realdır.

- Arşavin “Simurq”a lazım ola bilər?
- Əlbəttə (gülür). Arşavin bizim çempionatımızın istənilən klubuna lazım olar. Hərçənd, biz onu almağa iddia etmirik.

- Azərbaycanda belə futbolçulara yüksək maaş ödəyə biləcək klublar var?
- Bunu demək çətindir. Mənim tərəfimdən başqa komandaların pulu haqqında danışmaq tamamilə düzgün olmazdı. Düşünürəm ki, pul məsələsi tamamilə həll olunar. Əsas Andreyin özü burada oynamaq istəsin.

- Arşavin yalnız öz oyunu ilə deyil, həm də bəzi qalmaqallı bəyanatlarla məşhurdur. Azərbaycanda “bu, sizin problemləriniz” kimi hallar təkrar olmayacaqmı?
- Xeyir, istisnadır. Burada o yenidən başqa tərəfdən açılardı və öz oyunu ilə bütün ölkəni sevindirərdi. Bizim ölkəmizdə belə güclü oyunçunun gəlməsi böyük bayram olardı. İstənilən klubun azarkeşləri Andreyi sevinclə qəbul edərdilər.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”