“Barselona”nın hücumçusu Pedro Rodriqes zədə səbəbi ilə 10 gün yaşıl meydanlardan uzaq qalacaq. Apasport.az saytının məlumatına görə, 25 yaşlı futbolçunun ayağının əzələsi millinin heyətində çıxış edərkən dartılıb.

Belə ki, DÇ-2014-ün seçmə mərhələsində İspaniyanın səfərdə Fransa yığmasını 1:0 hesabı ilə məğlub etdiyi görüşdən sonra Pedronun ayağında ağrılar hiss olunub və tibbi müayinədən sonra isə onun zədəsinin ciddi olduğu müəyyənləşib.

Beləliklə, hücumçu “Barselona”nın La Liqanın 29-cu turu çərçivəsində “Selta” və aprelin 2-də Çempionlar Liqasında PSJ ilə matçı buraxacaq.

Qeyd edək ki, Pedro Fransa ilə qarşılaşmada komandasının yeganə qoluna imza atıb.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”