Topaz Premyer Liqasında XXVI turun proqramı açıqlanıb. Apasport.az saytının məlumatına görə, turun açılış və son görüşləri eyni məkanda - “Bayıl-Arena”da baş tutacaq.

Qarşılaşmalar 12-13-14 aprel tarixlərində keçiriləcək. Belə ki, lider “Neftçi” Zaqatalada “Simurq”un, “İnter” Tofiq Bəhramov adına Respublika stadionunda “ağ-qaralar”ı bu mövsüm 3-cü dəfə məğlub edən “Qarabağ”ın qonağı olacaq.

İlk “altılığ”ın son pilləsində qərarlaşan “Qəbələ” isə doğma publika önündə ötən tur “İnter”ə uduzan “Bakı”nı sınağa çəkəcək.

İkinci “altılıq”da isə “Rəvan” “Kəpəz”lə, “Turan” “Xəzər Lənkəran”la və “Sumqayıt” AZAL-la üz-üzə gələcək.


12 aprel (cümə)
17:00. “Rəvan” - “Kəpəz”
Bakı, “Bayıl-Arena”

13 aprel (şənbə)
15:00. “Qəbələ” – “Bakı”
Qəbələ şəhər stadionu

17:00. “Qarabağ” – “İnter”
Bakı, Tofiq Bəhramov adına Respublika stadionu

17:00. “Turan” – “Xəzər Lənkəran”
Bakı, “Dalğa Arena”

18:00. “Simurq” – “Neftçi”
Zaqatala şəhər stadionu

14 aprel (bazar)
17:00. “Sumqayıt” – AZAL
Bakı, “Bayıl-Arena”

• "Son rəqs" üçün Argentinaya gəldi – Messi milliyə vida edir
• Ronaldonun millidəki taleyinə aydınlıq gəldi: “Məşqçi istədiyi müddətdə...”
• “Üzümə bir söz deyə bilmirlər” – Hacıosmanoğlu susqunluğunu pozdu
• Serdal Adalı yenidən “Beşiktaş” prezidenti seçilib
• Bu günün futbol matçları – Hansı oyun hansı kanalda?