19 yaşadək futbolçulardan ibarət Azərbaycan milli komandası bu gün yoxlama oyunu keçirib. Apasport.az saytının məlumatına görə, Arif Əsədovun yetirmələri səfərdə Moldova yığması ilə qarşılaşıb.

Məhsuldar keçən matçda qapılara 5 qol vurulub. 3 penaltinin təyin olunduğu görüşdə meydan sahibləri 3:2 hesabı ilə qalib gəlib.

İlk yarıda 2 cavabsız qol buraxan millimiz fasilədən sonra penaltidən qapısında daha 1 top görüb. Moldovalı hakim Aleksandru Tyan bundan sonra həmyerlilərinin qapısına 2 dəfə 11 metrlik cərimə zərbəsi təyin edib. Hər 2 zərbəni dəqiq yerinə yetirən Budaq Nəsirov 69 və 73-cü dəqiqədəki qollarla fərqi minimuma endirib.

• Yasin Kol və Göktuğ Hazar Erel məhkəməyə göndərildi
• “Real” üçün kabus kimi “El-Klassiko” – "Barselona"dan 7:0
• "Son rəqs" üçün Argentinaya gəldi – Messi milliyə vida edir
• Ronaldonun millidəki taleyinə aydınlıq gəldi: “Məşqçi istədiyi müddətdə...”
• “Üzümə bir söz deyə bilmirlər” – Hacıosmanoğlu susqunluğunu pozdu