“Eyüpspor”un qapıçısı Berke Özer “Lill”ə transfer olmağa çox yaxındır.

Apasport.az xəbər verir ki, hər iki klub qolkiper barəsində razılığa gəlib.

Bu barədə insayder Yağız Sabuncuoğlu məlumat yayıb.

Onun sözlərinə görə, “Fənərbaxça” oyunçunun gələcək satışından əldə edəcəyi payın 40 faizindən imtina edib. “Sarı-lacivərdlilər” bunun müqabilində futbolçunun Fransa təmsilçisinə transferində növbəti satışdan 20 faiz pay maddəsi əlavə etdirib.

Buna görə, əgər “Lill” qapıçını gələcəkdə satarsa, İstanbul klubu bu satışdan 20 faiz pay əldə edəcək.

Qeyd edək ki, Berke Özer 2018–2022-ci illərdə “Fənərbaxça”nın şərəfini qorumuşdu.

• De la Fuente: “Fransa da bizim qədər narahatdır”
• "Beşiktaş" Polşa klubuna uduzdu - Hazırlıq mərhələsində ilk məğlubiyyət
• Portuqaliyada yeni baş məşqçi - Jorje Jezuş milliyə təyin olundu
• Mane milli karyerasını bitirdi - Seneqal əfsanəsindən vida qərarı
• “Tottenhem” PSJ-nin hücumçusunu istəyir - “Yuventus” da mübarizədədir