Türkiyə Super Liqasının XXI turunda lider “Qalatasaray” doğma meydanda "Konyaspor"u qəbul edib. 

 Apasport.az xəbər verir ki, 1:0 hesabı ilə qələbə qazanan "cimbom"un baş məşqçisi Okan Buruk matçdan sonra keçirilən mətbuat konfransında jurnalistlərin suallarını cavablandırıb.

Təcrübəli çalışdırıcı transfer pəncərəsində baş verə biləcək mümkün gedişatlar barədə danışıb. 

Buruk, uzun müddətdir adı "Qalatasaray"la hallanan Jorj Mikautadze üçün bir təklif verdiklərini bildirib:

“Mikautadze bəyəndiyimiz futbolçudur. Biz onun üçün bir təklif göndərmişik. Komandası hazırda formada deyil. Bu cür klublarda bəzən oyunçuların çıxışları dəyişə bilər. Xüsusilə son matçda “Lion”un bir qədər zəif təsir bağışladığını gördüm”.

Qeyd edək ki, "sarı-qırmızılılar" hələ ki, qış transfer pəncərəsində "Eyüpspor"dan Ahmed Kutucunu heyətinə qatıb.

• “Yunayted”dən əzmkar qələbə
• Millimizin üzvü oynadı, komandası məğlub oldu
• “Xetafe”dən “Sosyedad” səfərində vacib 3 xal
• “İnter”dən “Leççe”yə 4 cavabsız qol
• “Vest Hem” “Aston Villa” səfərindən 1 xalla qayıdır