Super Liqa nəhənglərindən “Qalatasaray”ın nigeriyalı hücumçusu Viktor Osimhen jurnalistlərə hücum edib.

Apasport.az xəbər verir ki, bu barədə “Posta” nəşrinin müxbiri Tolqa Bozduman açıqlama verib.

Jurnalist Osimheni gecə saatlarında əyləncə məkanından çıxarkən gördüyünü və fotolarını çəkdiyini deyib. Bozduman bu səbəbdən futbolçunun onu vurduğunu söyləyib: 

“Mən və üç həmkarım Osimheni klubun qarşısında gördük və onu görüntülədik. Lakin bu anda xaos yarandı. Osimhen qışqıra-qışqıra üstümə qaçdı, kameranı götürməyə çalışdı. Buna imkan vermədim. Yumruğu ilə başıma vurdu və səni məhv edəcəm dedi”.

Osimhen icarə əsasında “Qalatasaray”da çıxış edir. O, bu mövsüm Super Liqada 14 oyunda 11 qol vurub

• Qollini rəsmən "Roma"da
• “Milan”dan ayrıldı, Fransa klubuna keçdi
• "Fənərbaxça"lılara şad xəbər: Komandadan gedir
• "Barselona" "Real"ın izlədiyi futbolçunu istəyir
• Belçika millisinin baş məşqçisi açıqlandı