DÇ-2014-ün qrup mərhələsində Azərbaycan milli komandasının rəqibi olan Rusiya yığması sentyabr ayında Lüksemburq və İsrailə qarşı ev oyunlarını Sankt-Peterburqda keçirə bilər. Apasport.az saytının məlumatına görə, bu haqda yerli mətbuata şimal qonşularımızın baş məşqçisi Fabio Kapello deyib.

O, bu şəhərdə meydançanın vəziyyətinin yaxşı olduğunu ifadə edib: “Lüksemburq və İsraillə biz Sankt-Peterburqda oynamağı planlaşdırırıq. Düşünürəm ki, ora yığmanı gətirmək üçün yaxşı hal olacaq. Və meydança orada yaxşı vəziyyətdədir”.

Qeyd edək ki, Rusiya Lüksemburq millisi ilə sentyabrın 6-da, İsrail yığması ilə isə 4 gün sonra qarşılaşacaq.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”