Tennis üzrə Rollan Qarrosda ukraynalı tennisçı rusiyalı həmkarının əlini sıxmaqdan imtina edib.

Apasport.az saytı xəbər verir ki, rəqibini məğlub edən Elina Svitolina bu addımı atıb.

Anna Blinkovaya 2:1 (6:2, 2:6, 7:5) hesabı ilə qalib gələn Svitolina 1/8 finala vəsiqə qazanıb. Təcrübəli tennisçi oyundan sonra addımına aydınlıq gətirib: “Hər şey Ukrayna hökuməti üzvlərinin Rusiya təmsilçiləri ilə görüşündən sonra başlandı. Onlar bir-birinin əlini sıxmaqdan imtina etdilər. Səbəb Rusiyanın etdikləri idi”.

Qeyd edək ki, Svitolina növbəti mərhələdə digər rusiyalı Darya Kasatkina ilə qarşılaşacaq.