Çempionlar Liqasına hazırlığı Türkiyədə davam etdirən “Rabitə” voleybol klubu növbəti yoldaşlıq görüşündə qüvvəsini sınayıb. Apasport.az saytının məlumatına görə, Super Liqanın qalibi dünya çempionatının iştirakçısı olacaq “ay-ulduzlu” komanda ilə gücünü yoxlayıb.
Rəqibin hücumları ilə start götürən oyunda ilk seti Türkiyə yığması qazanıb – 25:12. Lakin bu məğlubiyyətdən nəticə çıxaran voleybolçularımız növbəti hissələrdə ev sahiblərinə çətin anlar yaşadıblar.

Belə ki, “Rabitə” dalbadal 3 hissədə qalib gələrək (25:20, 25:17, 25:21) nəyə qadir olduğunu göstərib və oyunun hesabını müəyyənləşdirib – 3:1. Komandamız Türkiyə yığması ilə növbəti görüşünü sabah keçirəcək.

Qeyd edək ki, bu qarşılaşmadan öncə “Errea Cup”da qüvvəsini sınayan paytaxt klubu üçüncü yeri tutub.

• Azərbaycan və Gürcüstan voleybol federasiyaları əməkdaşlığı genişləndirməyi müzakirə ediblər
• AVF rəsmisi CEV-dən təyinat alıb
• Millimiz Avropa çempionatının təsnifat mərhələsində iştirak edəcək
• Həsən Zeynalov: “Turan”ın Çempionlar Liqasında hədəfi bəllidir”
• “Turan”dan Çempionlar Liqasında tarixi qələbə - YENİLƏNİB