Argentina milli komandasının müdafiəçisi Qabriel Hayntse Madridin “Real” klubunu tərk edib. Apasport.az saytının məlumatına görə, Fransaya qayıdan 31 yaşlı futbolçu “Marsel” klubu ilə 3 illik müqavilə imzalayıb. Müdafiənin sol cinahında oynayan Q. Hayntse bu mövsüm “Marsel”in transfer etdiyi 10-cu yeni futbolçusu olub. Didye Deşamı baş məşqçi postuna gətirən klub transfer bazarında çox fəaldır və “Real”ın digər sabiq futbolçusu, 33 yaşlı ispan hücumçu Fernando Moryentesi da heyətinə cəlb edib.

Qeyd edək ki, 2004-cü ildə Olimpiya çempionu olan Q. Hayntseyə Fransa birinciliyi yaxşı tanışdır. Belə ki, o, 2001-2004-cü illərdə PSJ-də çıxış edib. Bundan sonra “Mançester Yunayted”ə keçən Q. Hayntse 2 il öncə “Real”a transfer olmuşdu.

• Podolski göz yaşlarıyla futboldan getdi
• İslandiya - Türkiyə matçının hakimləri müəyyənləşib
• "Fənərbaxça"ya bəd xəbər: Şimanski zədələndi
• Messi: “Belə şəraitdə oynamaq çətindir” - FOTO
• "Sassuolo"nun hücumçusu "Beşiktaş"ın hədəfində