“Vaqifin zədələnməsinə çox təəssüfləndim”. Apasport.az saytının məlumatına görə, bu sözləri Hollandiyanın “Tvente” klubunun baş məşqçisi Stiv Maklaren deyib.

49 yaşlı ingilis mütəxəssis Azərbaycan yığmasının futbolçusu Vaqif Cavadovun zədələnərək, Enshede təmsilçisinin hazırlıqlarından kənar qalmasına münasibət bildirib. Maklaren ötən ay böyük ümidlərlə Ağdamın “Qarabağ” klubundan transfer olunan 21 yaşlı hücumçunun 4-6 həftə müddətində kənarda qalmasına üzüldüyünü açıqlayıb: “Bu onun üçün çox pis oldu. Çünki komandamızın yeni transferidir və 10 oyun kənarda qalması heç də ürəkaçan deyil”.

Qeyd edək ki, “Tvente”nin düşərgəsində zədələnən Cavadov meniskdən əməliyyat olunub.

• Teo Hernandez “Əl-Hilal”da
• "Fənərbaxça" lotereya qazandı: Transfer qiyməti ilə tarixə düşəcək
• Orkun Kökçü İstanbula gələcək
• İngiltərə millisinin üzvü "Ayaks"ı tərk edib
• Ceko rəsmən "Fiorentina"da