Çimərlik futbolu üzrə Azərbaycan milli komandasının rəqibləri məlum olub. Apasport.az saytının məlumatına görə, Avropa Liqasında çıxış edəcək Emil Cabbarovun yetirmələri bu il B divizionunda mübarizə aparacaq. Yığmamız iyulun 2-dən 4-dək İtaliyada keçiriləcək seçmə mərhələdə çıxış edəcək. Bu qrupun qarşılaşmaları İtaliyanın Linyani Sabbiadoro şəhərciyində baş tutacaq. Futbolçularımız Hollandiya və Çexiya ilə mübarizə aparacaq.

Avropa Çimərlik Futbolu Liqasının superfinal mərhələsi isə avqustun 26-29-da keçiriləcək. Portuqaliyada baş tutacaq həlledici oyunlarda çıxış etmək üçün komandamız III mərhələnin qalibi olmalıdır. Çünki B divizionunun superfinal turnirinə qrup qalibləri və ən yaxşı nəticəyə malik ikinci yerin sahibi yüksələcək.

• Almaniya millisinin üzvü karyerasını başa vurub
• Mourinyonun müqaviləsinin detalları açıqlandı - hər iki tərəf xitam verə bilər
• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində