Messi “Yekədiş”ə çatdı

17.05.2010 - 09:56

İspaniyanın “Barselona” klubunun futbolçusu Lionel Messi daha bir rekorda şərik olub. Apasport.az saytının məlumatına görə, ölkə çempionatının son turunda 2 dəfə rəqib qapısına yol tapan argentinalı hücumçu 2009/10 mövsümündə Primeroda vurduğu qolların sayını 34-ə çatdırıb. Bununla da, Messi “Barselona” tarixinin ən yaxşı göstəricisini təkrarlayıb. Belə ki, 1996/97 mövsümündə “Yekədiş” ləqəbli braziliyalı Ronaldo 34 qola imza atmışdı.

Qeyd edək ki, Messi 2009/10 mövsümünün bütün turnirlərində üst-üstə 47 qol vurub.