Azərbaycan yığmasının sabiq futbolçusu Nadir Nəbiyev Premyer Liqanın tarixinə düşüb. Apasport.az saytının məlumatına görə, 30 yaşlı hücumçu milli çempionatlar ərzində 100 və daha artıq ol vuran 10-cu futbolçu olub.

Cari mövsüm bu həddə çatan üçüncü bombardir olan Nadir Xaqani Məmmədov və Kənan Kərimovdan sonra siyahıya daxil olub. Bu “onluq”dan yalnız bu 3 oyunçu karyerasını davam etdirir ki, Nəbiyev də onlar arasında ən gəncidir.

34 yaşlılar Xaqani və Kənandan 4 yaş kiçik olan Nəbiyev həm onları, həm də digər rəqiblərini arxada qoya bilər. Hələ 30 yaşının olması, hücumçunun hətta ikinci pilləyədək irəliləməsinə səbəb ola bilər. Bunun üçün Tovuz futbol məktəbinin ən məşhur yetirməsi karyerasının sonuna kimi 25 qol vurmalıdır. Bu isə kifayət qədər mümkün görünür. Bu isə o deməkdir ki, hətta Nazim Əliyevin ən yaxın izləyiciləri olan Qurban Qurbanov, Rövşən Əhmədov və Müşfiq Hüseynovun da mövqeyi əldən gedə bilər. Onlar indiki yerlərini itirmək təhlükəsindədir.

yer	futbolçu	qol	oyun	Orta məhsuldarlıq
1	Nazim Əliyev	183	236	0,77
2	Müşfiq Hüseynov	125	305	0,40
3	Rövşən Əhmədov	116	290	0,40
4	Qurban Qurbanov	115	161	0,71
5	Samir Ələkbərov	115	170	0,67
6	Alay Bəhramov	108	243	0,44
7	Vadim Vasilyev	102	271	0,37
8	Xaqani Məmmədov	102	272	0,37
9	Kənan Kərimov	102	326	0,31
10	Nadir Nəbiyev	100	296	0,34

Vüqar XEYRULLAYEV

• Premyer Liqa klubunda ayrılıq
• “Real” La Liqa matçının təxirə salınmasını istəyir
• Alleqri: “Leao qalacaq, Modriç avqustda gəlir”
• İngiltərə millisinin üzvü "Nyukasl"ı tərk edib - RƏSMİ
• Luis Suarez “Sportinq”ə keçir?