“İnter” klubunun Çempionlar Liqasında rəqibləri

17.05.2010 - 11:44

UEFA Çempionlar Liqasında mübarizəyə ikinci təsnifat mərhələsindən başlayacaq 32 komandadan 29-u məlum olub. Apasport.az saytının məlumatına görə, bu 32 komanda, həmçinin birinci təsnifat mərhələsinin iki qalibi püşkatma zamanı iki yerə bölünəcək. Daha yüksək reytinqə malik “17-lik” səpələnmişlər sırasında, zəiflər isə səpələnməmişlərdən olacaq.

Əvvəlcədən açıqladığımız kimi, yalnız “Bakı” və ya “Qarabağ” çempion olacağı halda güclülər sırasında yer alacaqdı. Reytinqi o qədər də yüksək olmayan “İnter” isə çempion olmaqla, ikincilər arasına düşüb. Bu isə o deməkdir ki, Kaxaber Sxadadzenin yetirmələri ikinci təsnifat mərhələsində güclü rəqiblərdən biri ilə qarşılaşacaq.

Macarıstan çempionu hələ müəyyənləşmədiyindən, ilk “17-lik”dən yalnız 16-sı məlumdur. Yəni, çempionumuzun 16 potensial rəqibi var. 17-ci isə Finlandiya və Macarıstan çempionlarından biri, daha yüksək reytinqə malik olanıdır. Bu rəqiblər arasında “Sparta”, “Hapoel”, “Austriya”, əvvəllər qarşılaşdığımız “Rusenborq”, “Lex”, Zaqreb “Dinamo”su, “Partizan” kimi klublar var.

Qeyd edək ki, Çempionlar Liqasının ilk iki təsnifat mərhələsinin püşkatma mərasimi iyunun 21-də baş tutacaq. “İnter” öz oyunlarını iyulun 13/14 və 20/21-də keçirəcək.

Klub	Ölkə	Reytinq
Hapoel (Təl-Əviv)	İsrail	27,775
Sparta	Çexiya	27,395
Rusenborq	Norveç	23,980
Austriya (Zalsburq)	Avstriya	19,915
Liteks	Bolqarıstan	15,900
Dinamo (Zaqreb)	Xorvatiya	14,466
Partizan	Serbiya	13,800
BATE	Belarus	13,308
Lex	Polşa	11,008
Jilina	Slovakiya	10,666
Şerif	Moldova	5,458
Omoniya	Kipr	4,599
AİK	İsveç	3,838
Bohemians	İrlandiya	2,908
Ekranas	Litva	2,683
Aktobe	Qazaxıstan	2,399
*

* - Finlandiyanın HİK klubu (2,399) və ya Macarıstan çempionundan biri.

Klub	Ölkə	Reytinq
*
Levadiya	Estoniya	2,374
Metallurq (Liepaya)	Latviya	2,149
Hafnarfyordur	İslandiya	2,083
**
Olimpi	Gürcüstan	1,649
Pünik	Ermənistan	1,599
Koper	Sloveniya	1,391
İNTER	AZƏRBAYCAN	1,349
Renova	Makedoniya	1,316
Dinamo (Tirana)	Albaniya	1,049
Torshavn	Farer adalrı	0,866
TNS	Uels	0,766
Linfild	Şimali İrlandiya	0,574
*******
********
********