“Artıq yeni komandamla iki məşqə çıxmışam. Təəssüratlarım yaxşıdır. Şafer kimi təcrübəli məşqçinin rəhbərliyi altında oynamaq mənə çox xoşdur”. Apasport.az saytının xəbərinə görə, bu sözləri “Bakı” klubunun yeni futbolçusu Junior Osvaldo Martins – Juninyo deyib.

Mövsümlərarası fasilədən sonra “Xəzər-Lənkəran”dan paytaxtın eyniadlı komandasına transfer olunan braziliyalı yarımmüdafiəçi bildirib ki, “Bakı”ya xeyir vermək fikrindədir: “Artıq bir neçə ildir ki, Azərbaycanda çıxış edirəm. “Bakı”nın gücünə bələdəm. Komanda daim iddialı olub. Əminəm ki, bu mövsüm eyni zamanda avrokuboklarda da adımızdan söz etdirəcəyik. Mən də öz növbəmdə üzərimə düşənin ən yaxşısını edəcəyəm ki, qitə kuboklarında “Bakı”ya xeyir verim”.

• "Yuventus"lu Türkiyə yolunda
• Niderland millisinin üzvü Braziliya klubundan ayrıla bilər
• “Qalatasaray”ın futbolçusu La Liqa klubunun radarında
• “Qalatasaray” “Roma”nın qolkiperi ilə maraqlanır
• Zubimendi “Arsenal”da - RƏSMİ