AFFA Azərbaycan milli komandasının futbolçusu Kamran Ağayevi cəzalandırıb. Apasport.az saytının məlumatına görə, AFFA-nın İntizam Komitəsinin bu gün keçirilən iclasında “Xəzər Lənkəran” klubunun kapitanının məsələsinə baxılaraq, qərar çıxarılıb.

Kamran Unibank Premyer Liqasının son turunda “Bakı” ilə ev oyununun 85-ci dəqiqəsində moldovalı rəqibi Vyaçeslav Sofroniyə əli ilə zərbə endirdiyi üçün 4 oyunluq cəzalandırılıb və 4000 manat cərimələnib. Baş hakim Fariz Yusifov həmin epizodu görmədiyi, nəticədə Ağayevi cəzalandırmadığı üçün NİK-in üzvləri oyunun videoyazısı və hakim-inspektorların raportuna əsaslanaraq, qərar çıxarıb.

Həmin görüşün 74-cü dəqiqəsində “Bakı”nın braziliyalı hücumçusu Jaba rəqibə əli ilə zərbə endirərək, birbaşa qırmızı vərəqə aldığı üçün 4 oyunluq cəzalanıb, klub 4000 manat cərimələnib.

Turda digər qırmızı vərəqə alan futbolçu, “Gəncə”nin müdafiəçisi Rafael Əmirbəyovun cəzası isə yüngül olub. Belə ki, ikinci sarı vərəqəyə görə meydandan çıxarılan Rafael 1 oyun buraxacaq, klubunu isə 200 manat xərcə salıb.

Mənbə: pfl.az

• Almaniya millisinin üzvü karyerasını başa vurub
• Mourinyonun müqaviləsinin detalları açıqlandı - hər iki tərəf xitam verə bilər
• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində