Bir çempionun sirri və ya fasilədə oyananlar

02.05.2011 - 23:02

“Neftçi” klubunun Azərbaycan çempionu olmağının ən əsas səbəblərindən biri məlum olub. Apasport.az saytının məlumatına görə, Arif Əsədovun yetirmələri qüvvələrini oyun boyu bərabər bölmək nəticəsində istəyinə çatıb. Məhz bu amilin sayəsində bakılılar əsas rəqibləri “Xəzər Lənkəran” və “Qarabağ”ı arxada qoyub.

Əgər Azərbaycan çempionatının qarşılaşmaları 90 deyil, 45 dəqiqədən ibarət olsaydı, “Neftçi” həm 1-ci, həm də 2-ci hissələr üzrə çempion olardı. “Xəzər Lənkəran”la “Qarabağ” ilk 45 dəqiqəni boşa verməklə yadda qalıb. İlk hissələrdə çempiondan 15 xal geri qalan bu 2 komanda fasilədən sonra oyanaraq, ilk yarıda itirdiklərini qaytarmaqla məşğul olub. Göründüyü kimi, bu da kifayət etməyib.

Əsədovun komandası isə hər 2 hissədə demək olar ki, oxşar nəticələrə imza atıb. Cəmi 2 xal fərqin olması da bu stabillikdən xəbər verir. Ümumilikdə, 65 xalı olan “ağ-qaralar” ayrı-ayrı hissələrdə daha az xal yığıb. Bunun da səbəbi var: Bakılılar ilk yarıda taleyini həll etdiyi matçların 2-ci hissəsində istirahət edib. Və ya əksinə, fasiləyədək bacarmadıqlarına sonra nail olublar.

Birinci 45 dəqiqələr üzrə turnir cədvəli

1.	Neftçi	29	15	11	3	22 - 5	+17	56
2.	İnter	29	10	13	6	14 - 8	+6	43
3.	Xəzər Lənkəran	29	8	17	4	16 - 9	+7	41
4.	Qarabağ	29	8	17	4	12 - 6	+6	41
5.	AZAL	29	9	14	6	11 - 9	+2	41
6.	Bakı	29	9	9	11	13 - 13	=	36

7.	Qəbələ	29	10	17	2	14 - 4	+10	47
8.	Gəncə	29	8	14	7	15 - 10	+5	38
9.	Muğan	29	6	13	10	9 - 15	–6	31
10.	Turan	29	6	11	12	9 - 22	–13	29
11.	Simurq	29	4	10	15	4 - 18	–14	22
12.	MOİK	29	2	12	15	3 - 23	–20	18

İkinci 45 dəqiqələr üzrə turnir cədvəli

1.	Neftçi	29	14	12	3	30 - 8	+22	54
2.	Qarabağ	29	15	8	6	25 - 12	+13	53
3.	Xəzər Lənkəran	29	13	11	5	18 - 7	+11	50
4.	AZAL	29	8	16	5	19 - 15	+4	40
5.	İnter	29	8	14	7	14 - 16	–2	38
6.	Bakı	29	9	11	9	18 - 15	+3	38

7.	Muğan	29	9	13	7	16 - 13	+3	40
8.	Qəbələ	29	8	13	8	14 - 13	+1	37
9.	Gəncə	29	8	11	10	14 - 21	–7	35
10.	Turan	29	3	17	9	12 - 20	–8	26
11.	Simurq	29	2	13	14	10 - 26	–16	19
12.	MOİK	29	1	13	15	6 - 30	–24	16