Azərbaycan Premyer Liqasının sonuna 3 tur qalmış ölkə çempionunun adına aydınlıq gəldi. Apasport.az saytının məlumatına görə, yaşıl meydanları fəth edən “Neftçi” hələ də futbolsevərlərin ürəyinə yol tapa bilməyib. Bunun nəticədir ki, Azərbaycanın ən qoca komandası – bu il 74 yaşı olur – heç də ən çox sevilən deyil.

Bunu “Neftçi”nin ev oyunlarında toplanan tamaşaçı auditoriyası da təsdiqləyir. Təbii ki, 2-3 minlik azarkeş ordusuna tamaşaçı auditoriyası demək olarsa... Tofiq Bəhramov adına Respublika stadionunun yalnız bir neçə sektoruna sığan “Neftçi” sevgisi “ağ-qaralar”ı bu göstəricidə liderlərdən çox uzaq salıb.

Premyer Liqanın arxada qalan 29 turunda qeydə alınan tamaşaçı saylarına nəzərə saldıqda, bakılılar heç də pis olmayan 3-cü pillədədirlər. Lakin liderlərlə fərq o dərəcədə böyükdür ki, mövsümün bütün ev matçlarında üst-üstə 33 mindən də az seyrçi yığan “Neftçi” bu qədər tamaşaçını ötən əsrin 70-80-cı illərində 1 oyuna yığırdı.

İndi isə “Xəzər Lənkəran” “Neftçi”dən 4 dəfə üstündür. “Ağ-yaşıllar” paytaxt klubunun ilboyu topladığı azarkeşi az qala 2 matçda bir araya gətirirlər. Premyer Liqaya bu mövsüm qayıdan “Gəncə” də “Neftçi”yə nümunə ola bilər. Qərblilər “ağ-qaralar”la müqayisədə az qala 2,5 dəfə çox sevilir.

klub	Ev oyunları	tamaşaçı	orta tamaşaçı
Xəzər Lənkəran	14	135500	9679
Gəncə	15	84800	5653
Neftçi	14	32800	2343
Turan	15	31406	2094
İnter	15	22355	1490
Qəbələ	14	19700	1407
AZAL	15	18200	1213
Qarabağ	15	17450	1163
Bakı	14	10200	729
Muğan	14	9200	657
Simurq	15	7555	504
MOİK	14	6130	438
CƏMİ	174	395296	27370

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq