Milli komandamızın qapıçısı Almaniya klubunda debüt etdi

11.05.2011 - 09:05

Azərbaycan milli komandasının qapıçısı Andrey Popoviç Almaniyanın “Fortuna” klubunda ilk oyununu keçirib. Apasport.az saytının məlumatına görə, “Abşeron” klubunun üzvünün baxışda olduğu Düsseldorf təmsilçisindəki qeyri-rəsmi debütü uğurlu alınıb.

Belə ki, 4-cü liqada mübarizə aparan “TuS Grevenbroich” klubunun 100 illik yubileyinə həsr olunan yoldaşlıq oyununda Popoviç 90 dəqiqə meydanda olub. “Schloss-Stadion”da keçirilən matçda Andrey və komandası yubilyarları məyus edib – 2:1.

Qapıçımız matçın 36-cı dəqiqəsində qapısından qol buraxıb və həmin vaxt hesab bərabərləşib. “Fortuna” yalnız 89-cu dəqiqədə qələbə qolunu vurub.