Ronaldo “Real”ın yeni rekordçusu oldu

11.05.2011 - 10:41

Dünyanın ən bahalı futbolçusu olan Kriştianu Ronaldo 2-ci ildir oynadığı Madridin “Real” klubunun yeni rekordçusu olub. Apasport.az saytının məlumatına görə, 26 yaşlı portuqaliyalı hücumçu “Kral klubu”nun əfsanəvi macar futbolçusu Ferents Puşkaşı arxada qoyub. Bu, bir mövsümdə vurulan qolların sayına görədir.

Ronaldo Primeronun son turunda “Xetafe” ilə oyunda etdiyi het-triklə cari çempionatda vurduğu qolların sayını 36-ya çatdırıb. O, ölkə kubokunda 7, Çempionlar Liqasında 6 qol vurub. Puşkaş 1959/60 mövsümündə 47 dəfə rəqib qapısına yol tapıb ki, Kriştianu veteran hücumçudan artıq 2 qol çox vurub.