Mayın 20-də Bakıda təlim-məşq toplanışına başlayan Azərbaycan yığmasına daha 6 futbolçu çağırılıb. Apasport.az saytının məlumatına görə, “İnter”lə “Xəzər Lənkəran” arasındakı ölkə kubokunun finalında oynayanlar yalnız bu matçdan sonra milli komandaya dəvət edilib.

Almaniyalı baş məşqçi Berti Foqts 1:1 hesabı ilə başa çatan finalın penaltilər seriyasındakı 4:2 hesabını təkrarlayıb. Yəni, cəmi 2 penaltidən qol vuran “İnter”dən 2, 4 qolla qalib gələn “Xəzər Lənkəran”dan 4 oyunçunu milliyə layiq bilib.

Bunlar “İnter”dən Aleksandr Çertoqanov, Vladimir Levin, “Xəzər Lənkəran”dan Kamran Ağayev, Elnur Allahverdiyev, Rahid Əmirquliyev və Elnur Abdullayevdir.

• La Liqada ayın futbolçusu bəlli oldu
• Roland Şallai rəsmən “Qalatasaray”da
• "Beşiktaş" daha bir legioneri ilə yollarını ayırdı
• Premyer Liqanın ən yaxşı oyunçusu seçildi
• Təzyiqlərə dözmədi: "Qalatasaray"da şok istefa