Sadıq Sadıqov klub rəsmilərindən raport istədi

21.07.2011 - 10:51

İyulun 20-də “Neftçi” klubunun toplantısı keçirilib. Apasport.az saytının məlumatına görə, yığıncaqda komanda rəhbərliyi, şöbə və departament rəisləri, eləcə də məşqçil heyəti iştirak edib.

İclasda “ağ-qaralar”ın UEFA Çempionlar Liqasının II təsnifat mərhələsinin Zaqreb “Dinamo”su ilə görüşləri müzakirə olunub. Klub prezidenti Sadıq Sadıqov bu oyunların tez bir zamanda analiz olunub, hər kəsin məsuliyyət daşıdığı sahə üzrə raport verməsini tələb edib.

Qeyd edək ki, “Dinamo”ya səfərdə 0:3 hesabı ilə uduzan “ağ-qaralar” evdə qolsuz heç-heçə edib.