Madrid “Real”ının sabiq futbolçusu Fernando Redondo hakimi döyüb. Apasport.az saytının məlumatına görə, uzun illər Argentina yığmasında oynamış 37 yaşlı yarımmüdafiəçinin meydanda belə hərəkətinə səbəb referi Abel Falkonun ona göstərdiyi sarı vərəqə olub.

Bu, Buenos-Ayresdə keçirilən həvəskarların turnirində baş verib. Nəticədə qabırğası sınan, xəstəxanaya yerləşdirilən hakim Redondonu məhkəməyə verib. Onun futbolçudan hansı kompensasiya tələb etməyi açıqlanmır. Turnirin təşkilatçıları Ferandonu yarışdan birdəfəlik kənarlaşdırıblar. Onun komandası isə turnirdən çıxarılıb.

Qeyd edək ki, 1994-2000-ci illərdə “Real”da oynayan Redondo habelə “Milan”ın şərəfini qoruyub. O, hər 2 komandanın heyətində ölkə çempionluğunu qazanıb. Fernando “Real”la Çempionlar Liqası və Qitələrarası kubokunu əldə edib. Yarımmüdafiəçi millidə 29 oyunda 1 qol vurub.

• İngiltərə millisinin üzvü “Çelsi”dən ayrılır?
• Günün oyunları bu kanallarda
• “Qalatasaray”ın heyəti açıqlandı: OSİMHEN YOXDUR
• "Fənərbaxça"da ŞOK İTKİ
• "Fənər"də 2 itki birdən: Cavab matçında iştirak etməyəcəklər