“Bakı” “Xəzər Lənkəran”a çatdı

01.12.2011 - 11:31

Azərbaycan kubokunun 1/8 final mərhələsi mövsümün ilk penaltilər seriyası ilə əlamətdar olub. “Rəvan”ı 3:2 hesabı ilə məğlub edən “Bakı” bu lotereyanın qalibi olub. Apasport.az saytının məlumatına görə, bu ölkə kuboku tarixində 17-ci belə haldır ki, qalibi müəyyənləşdirmək üçün 11 metrlik zərbələrə ehtiyac duyulur. “Rəvan”ın “siftə”si korlanıbsa, vaxtilə eyni aqibəti yaşamış “Bakı” ardıcıl 2-ci mövsüm penaltilərə sevinən tərəf olub.

Lakin 3 belə seriyanın iştirakçısı olan “Bakı” heç də rekordçu deyil. “Neftçi” 4 dəfə bəxtini lotereyaya saxlayıb 3-də qalib gəlib. Paytaxt komandalarından başqa “Xəzər Lənkəran” da 2 dəfə seriyalarda qalib gəlib. Lakin “Neftçi” və “Bakı”dan fərqli cənublular 2 dueldə 2 qələbə qazanıb və heç vaxt bu seriyalarda uduzmayıb. “Karvan”, “Turan”, “Simurq” və Sumqayıt “Xəzər”i isə hamıdan çox 2 dəfə penaltilər seriyasında uduzublar. Digərlərindən fərqli “Turan” 1 dəfə qələbə də qazana bilib.

Ölkə kubokunun bütün penalti seriyaları

1992	İnşaatçı (Bakı)	Xəzər (Sumqayıt)	1:1, pen. 5:4
1993	Kür (Mingəçevir)	Xəzri (Buzovna)	3:0, 0:3, pen. 4:3
1993	Neftçi (Bakı)	Xəzər (Sumqayıt)	0:0, 0:0, pen. 4:3
1993/94	Turan (Tovuz)	OİK Göyəzən (Qazax)	0,:0, 0:0, pen. 1:3
1998/99	Şəmkir	Neftçi (Bakı)	0:0, pen. 3:5
1999/2000	Turan (Tovuz)	Qarabağ (Ağdam)	1:0, 0:1, pen. 4:5
2003/04	Bakılı	Neftçi (Bakı)	1:0, 0:1 pen. 3:5
2004/05	Karvan (Yevlax)	Xəzər Lənkəran	1:1, 1:1, pen. 4:5
2004/05	Neftçi (Bakı)	İnter (Bakı)	0:0, 0:0, pen. 3:4
2007/08	Bakı	Qəbələ	1:1, 1:1, pen. 3:4
2009/10	Simurq (Zaqatala)	Olimpik-Şüvəlan (Bakı)	0:0, 0:0, pen. 2:4
2010/11	Bakı	Muğan (Salyan)	1:1, pen. 5:3
2010/11	Karvan (Yevlax)	MKT-Araz İmişli)	1:1, pen. 3:4
2010/11	Qarabağ (Ağdam)	Turan (Tovuz)	0:0, pen. 3:4
2010/11	Simurq (Zaqatala)	Abşeron (Bakı)	1:1, pen. 1:4
2010/11	Xəzər Lənkəran	İnter (Bakı)	1:1, pen. 4:2
2011/12	Bakı	Rəvan (Bakı)	0:0, pen. 3:2