“Barselona”nın futbolçusu Lamin Yamal UEFA Çempionlar Liqasında yeni rekorda imza atıb.

Apasport.az xəbər verir ki, 19 yaşlı vinger turnir tarixində 20 yaşına çatmamış ən çox qol töhfəsi verən futbolçu olub.

İspaniya millisinin üzvü “Feyenoord”la matçda məhsuldar ötürmə etməklə Çempionlar Liqasındakı qol töhfələrinin sayını 21-ə çatdırıb. “Opta”nın məlumatına görə, Yamal turnirdə 11 qol vurub və 10 assist edib.

Bununla da “Barselona”nın futbolçusu Kilian Mbappenin rekordunu geridə qoyub. Fransa millisinin hücumçusu 20 yaşına qədər Çempionlar Liqasında qol+assist sistemi üzrə 20 məhsuldar hərəkətlə yadda qalmışdı.

Qeyd edək ki, Lamin Yamal hazırda 19 yaşındadır.

• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA