Sankt-Peterburq. Elşən Məmmədov-APA-Sport. Azərbaycanın sərbəst güləş üzrə yığma komandasının baş məşqçisi Maqomedxan Aratsilov Rusiyanın Sankt-Peterburq şəhərinə yollanıb. “APA-Sport” agentliyinin məlumatına görə, dağıstanlı mütəxəssis səfərə köməkçisi Rövşən Umudovla birgə çıxıb. Millimizin məşqçiləri bu gün Sankt-Peterburqda start götürəcək sərbəst güləş üzrə Rusiya çempionatını izləyəcəklər. Üç gün davam edəcək yarışda onlar əsasən, pəhləvanlarımızın Pekin Yay Olimpiya Oyunlarında əsas rəqibi olan rusiyalı güləşçilərin çıxışlarına nəzər yetirəcək.
Qeyd edək ki, Pekin Olimpiadasında həm Rusiya, həm də Azərbaycan sərbəst güləş növündə tam heyətlə təmsil olunacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə