Bakı. Aqşin Əliyev - APA-Sport. Azərbaycanın yeniyetmə kamandan oxatanları ilk dəfə beynəlxalq turnirdə çıxış edəcəklər. Bu barədə “APA-Sport” agentliyinə Azərbaycan Kamandan Oxatma Federasiyasının vitse-prezidenti Namiq Hüseynov məlumat verib. Onun sözlərinə görə, yeniyetmə idmançılarımız iyulun 15-dən 19-dək Gürcüstanın Batumi şəhərində keçiriləcək Avropa Kubokuna qatılacaqlar. N.Hüseynov bildirib ki, ölkəmizdə qənaətbəxş nəticələrə malik qız oxatan olmadığı üçün qarşıdakı turnirə yalnız oğlanlar yollanacaqlar. Təmsilçilərimiz Avropa Kubokunun ilk günündə fərdi yarışda mübarizə aparacaqlar. Növbəti günlərdə isə milli komandamız mükafatçılar arasına düşməyə çalışacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə