Bakı. Kənan Həsənov - APA-Sport. Azərbaycanın boks üzrə milli komandası iyunun 19-da Rusiyanın paytaxtı Moskvada start götürəcək beynəlxalq turnirə qatılacaq. Bu haqda “APA-Sport” agentliyinə yığmanın baş məşqçisi Nəriman Abdullayev məlumat verib. Onun sözlərinə görə, olimpiya, 6 dəfə SSRİ, iki dəfə Avropa çempionu Valeri Popençenkonun xatirəsinə həsr edilən yarışda 4 boksçumuz mübarizə aparacaq. Moskvaya yollanacaq heyətdə Pekin Olimpiadasına lisenziya qazanan Şahin İmranovla (57 kq) yanaşı, Rəhim Nəcəfov (54 kq) Fərhad Acalov (64 kq), Emil Məhərrəmov (69 kq), Zaur Teymurov (81 kq) və Azər Məmmədov (91 kq) yer alacaqlar. İkinci dəfə təşkil olunacaq turnirə iyunun 22-də keçiriləcək final döyüşləri ilə yekun vurulacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə