Bakı – APA-Sport. Portuqaliya milli komandasının futbolçusu Kriştiano Ronaldo Avropa çempionatının qalibi ola biləcəyinə ümidvar olduğunu açıqlayıb. “APA-Sport” agentliyinin məlumatına görə, 23 yaşlı yarımmüdafiəçi iyunun 7-də start götürəcək qitə birinciliyinə yaxşı hazırlaşdığını bildirib: “Turnirin startını səbirsizliklə gözləyirəm. Yarışı qələbə ilə başa vuracağımıza ümidvaram. Bu il oyunumda ciddi artım olub. Komandamızı qələbəyə apara biləcəyimə inanıram. Portuqaliya çoxdan uğura doğru gedir. Amma bu dəfə qələbə qazanmaq üçün gözəl şanslarımız var”.
Qeyd edək ki, Portuqaliya yığması iyunun 7-də İsveçrə və Avstriyada start götürəcək qitə birinciliyində Türkiyə, İsveçrə və Çexiya ilə birgə A qrupunda yer alacaq.

• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib
• "Şahdağ"da keçirilən Dünya Kubokuna yekun vurulub