Bakı. Aqşin Əliyev - APA-Sport. Azərbaycanın qadın cüdoçuları Kifayət Qasımova və Gözəl Zutova növbəti səfərə hazırlaşırlar. “APA-Sport” agentliyinin məlumatına görə, adıçəkilən idmançılar təlim-məşq toplanışı keçmək üçün iyunun 12-də Sloveniyaya yollanacaqlar. Milli komandanın üzvləri Sloveniyada baş məşqçi İbadulla Şabanovun rəhbərliyi altında bir həftə hazırlıq keçəcəklər. Təlim-məşq toplanışı Pekin Yay Olimpiya Oyunlarında mübarizə aparacaq yeganə qadın cüdoçumuz K.Qasımova üçün daha çox əhəmiyyət daşıyacaq. Avropa çempionatının bürünc mükafatçısı olimpiadaya xüsusi proqramla hazırlaşacaq. Yığmamızın aparıcı üzvlərindən sayılan Ramilə Usubova səhhətindəki problemlər ucbatından səfərə aparılmayacaq. Hazırlıq prosesi yekunlaşdıqdan sonra K.Qasımova və G.Zutova vətənə qayıtmayaraq, birbaşa Rusiyanın Kislovodsk şəhərinə yollanacaqlar. İyunun 21-də Kislovodskda kişilərdən və qadınlardan ibarət yığmalarımız ümumi fiziki hazırlıq üzrə məşqlərə başlayacaqlar.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə